1. Faisnéis a chomhroinneann tú linn trínár láithreáin ghréasáin, aipeanna, r-phost, fón, go pearsanta i siopaí dár gcuid, ag seastáin agus imeachtaí, nó ar bhealach eile.

2. Faisnéis ó tháirgí nasctha de chuid Dyson atá agat – táirgí atá “cliste”, cumasaithe don idirlíon, nó a oibrítear tríd an aip MyDyson iad (féach an Fógra maidir le Táirgí Cliste chun faisnéis a bhaineann go sonrach le do tháirge a fháil).

3. Faisnéis ó d'idirghníomhaíochtaí ar líne trí fhianáin agus teicneolaíochtaí rianaithe comhchosúla (féach an Fógra maidir le fianáin chun tuilleadh faisnéise a fháil).

4. Faisnéis laistigh de theachtaireachtaí uait (amhail teachtaireachtaí ríomhphoist, comhráite beo nó tríd an aip MyDyson) agus faisnéis ar conas a d'fhreagair tú teachtaireachtaí ríomhphoist nó teachtaireachtaí san aip a sheolamar chugat.

5. Faisnéis atá ar fáil go poiblí ó d’idirghníomhaíochtaí linn ar mheáin shóisialta nó ó phostálacha maidir linn.

6. Faisnéis ónár siopaí, seastáin agus/nó imeachtaí – amhail TTCI, píosaí scannáin, agus grianghraif.

7. Faisnéis ó nasc Bluetooth nó Wi-Fi do ghléis chliste nuair a thagann tú chuig ár siopaí – amhail do shuíomh.

8. Faisnéis ó sholáthraithe sonraí tríú páirtí a bhfuil cead uait faighte acu chun do chuid sonraí a chomhroinnt.

Cuimsítear leis an bpróiseáil sin:

• ceannach agus seachadadh do tháirgí a bhainistiú agus a chomhordú, agus le haon seirbhís iardhíola a sholáthar ina dhiaidh sin (de réir mar is gá);

• ceisteanna agus iarratais uait a fhreagairt (trí chainéil éagsúla amhail ar líne, go pearsanta, ar an bhfón, sa phost, comhrá beo agus SMS);

• clárú, monatóireacht agus taifeadadh a dhéanamh ar shaolré ár dtáirgí, lena n‑áirítear bainistiú stoic; agus

• dul i dteagmháil leat nuair a bhíonn táirgí nó cineálacha táirge ar leith i stoc.

Ó am go chéile, bainimid úsáid as do chuid sonraí pearsanta le cabhrú leat leis na táirgí Dyson atá agat. Má tá táirge nasctha agat, féach an leathanach Táirgí Nasctha chun faisnéis a fháil a bhaineann go sonrach le do tháirge.

Déanaimid é sin trí mhonatóireacht a dhéanamh ar fheidhmíocht an táirge agus trí fhaisnéis ábhartha tacaíochta táirge a sheoladh chugat. Is féidir leat roghnú gan a bheith páirteach sna gníomhaíochtaí seo ag am ar bith; féach an chuid dar teideal ‘Do rialuithe agus roghanna' anseo thíos.

Má tá an aip MyDyson agat, déanaimid monatóireacht ar fheidhmíocht agus ar chobhsaíocht an táirge, rud a chuireann ar ár gcumas na nithe seo a leanas a dhéanamh:

• Feidhmíocht an táirge agus d'eispéireas a bharrfheabhsú; go háirithe, ba mhaith linn a bheith in ann aon fhadhbanna féideartha le do tháirge a aithint le gur féidir linn tú a chur ar an eolas fúthu a luaithe is féidir (uaireanta éiríonn linn é sin a dhéanamh sula dtugtar an fhadhb faoi deara); agus

• nuashonruithe agus seirbhísí a sholáthar i dtaca lenár dtáirgí nasctha (lena n-áirítear nuashonruithe agus uasghráduithe ar na bogearraí atá sa táirge agus ar an aip a nascann leis).

Cuirimid teachtaireachtaí tacaíochta táirge chugat, rud a chuireann ar ár gcumas:

• faisnéis chabhrach a sholáthar faoi do tháirge Dyson nó faoin tseirbhís Dyson a úsáideann tú, mar shampla:

• nuashonruithe bunriachtanacha seirbhíse do tháirgí;

• meabhrúcháin maidir le cothabháil a dhéanamh ar do tháirge leis an bhfeidhmíocht is fearr a chinntiú;

• foláirimh maidir le nuashonruithe nó uasghráduithe molta d'aipeanna nó bogearraí, a fheabhsóidh feidhmíocht do tháirge, dar linn;

• faisnéis faoin gcaoi agus faoin áit ar féidir leat cabhair a fháil ó shaineolaithe Dyson má bhíonn tacaíocht ag teastáil uait;

• faisnéis faoi do bharánta Dyson; agus

• foláirimh maidir le haon fhógraí tábhachtacha sábháilteachta nó aistarraingthe a bhaineann le do tháirge; agus

• eispéiris úsáideora níos fearr a chur ar fáil trí theicneolaíochtaí nua amhail ár n-aipeanna do ghléasanna móibíleacha.

Mar chuid de na gníomhaíochtaí sin, cuirimid catagóirí difriúla sonraí pearsanta a bhailímid fút le chéile. Mar shampla, cuirimid sonraí pearsanta a bhailítear ó d'idirghníomhaíochtaí ar líne, sonraí pearsanta a chomhroinneann tú linn, nó faisnéis ó tháirgí de chuid Dyson le chéile le próifíliú agus anailís staitistiúil a dhéanamh ar an éileamh ar tháirgí, ar d’iompar nuair a úsáideann tú ár láithreán gréasáin nó ár n-aipeanna, nó ar an gcaoi a n-úsáidtear táirgí dár gcuid.

Ní choinnímid do chuid sonraí pearsanta ach amháin chomh fada agus is gá dúinn le bheith in ann iad a úsáid chun na gcríoch atá leagtha amach san fhógra príobháideachais seo, agus chomh fada agus éilítear orainn iad a choinneáil de réir an dlí.

Braithfidh an tréimhse iarbhír a stórálfaimid do chuid sonraí pearsanta ar an gcineál sonraí pearsanta atá ann agus ar an gcaoi a n-úsáidtear iad. Mar shampla, nuair a cheannaíonn tú táirge uainn, déanfaimid faisnéis fútsa agus faoin táirge a stóráil go dtí deireadh do bharánta nó do ráthaíochta ar a laghad.

Is breá linn tú a choinneáil ar an eolas faoi na táirgí is déanaí fógairt againn, tairiscintí d'úinéirí, deiseanna le táirgí nua Dyson a thástáil, nó imeachtaí atá ar na bacáin. D’fhéadfaimis eolas a chur chugat ó am go chéile ar Fhondúireacht James Dyson agus Gradam James Dyson chomh maith.

Ar deireadh thiar, is mian linn a chinntiú go bhfuil tú sásta leis an gcumarsáid a dhéanaimid leat. Déanaimid é sin trí rogha a thabhairt duit gan na teachtaireachtaí a fháil (mar shampla na ríomhphoist seirbhíse) nó trí dheis a thabhairt duit roghnú a bheith páirteach (mar shampla, toiliú le teachtaireachtaí margaíochta). Féach an chuid ‘Do rialuithe agus roghanna’ chun tuilleadh faisnéise a fháil.

Déanfaimid teagmháil leat ar bhealaí éagsúla, lena n-áirítear r-phost, post, SMS, fógraí in aipeanna agus brúfhógraí, ardáin meán sóisialta agus fón. Úsáidimid próifíliú agus anailís staitistiúil leis na teachtaireachtaí ó Dyson a bheadh ábhartha agus spéisiúil duit a shainaithint. Is mar seo a leanas a dhéanaimid amhlaidh:

• an fhaisnéis a bhailímid a anailísiú agus a fheabhsú;

• próifílí úsáideora, tuairiscí agus fógraíocht spriocdhírithe a tháirgeadh;

• gan thú a chlárú ach amháin i bhfeachtais mhargaíochta agus i liostaí cuireadh d’imeachtaí roghnaithe;

• éifeachtacht ár bhfeachtas bolscaireachta agus fógraíochta a dhéanamh amach; agus

• an bealach a ndéanfaidh tú teagmháil agus siopadóireacht linn amach anseo a chur in oiriúint agus a fheabhsú (mar shampla nithe áirithe a thaispeáint duit ar an láithreán gréasáin bunaithe ar na nithe ar ar bhreathnaigh tú roimhe sin).

Reáchtálaimid imeachtaí Dyson go minic in áiteanna éagsúla, amhail siopaí Dyson nó siopaí eile, chun ár dtáirgí a chur chun cinn. D’fhéadfaí do shonraí pearsanta a ghabháil dá bhfreastalófá ar na himeachtaí sin:–

• mar chuid de ghrianghraif nó scannánú do na meáin shóisialta, meáin bholscaireachta nó chun críche cartlannaithe;

• ag ár gcuid saineolaithe agus stíleálaithe lena roinnt ar na meáin shóisialta nó in ábhair bholscaireachta; agus/nó

• coinne le duine dá saineolaithe a chur in áirithe.

D’fhéadfadh Dyson próiseáil a dhéanamh ar chuid de na sonraí pearsanta a chuireann tú ar fáil chun na nithe seo a leanas a dhéanamh:

• gníomhaíocht chóiriúil, lena n‑áirítear calaois, a bhrath agus a chosc;

• ár láithreáin ghréasáin, aipeanna, táirgí agus córais TF a choinneáil slán;

• cabhrú linn le haon díospóidí, éilimh nó imscrúduithe a bhaineann le do tháirge Dyson nó le cúrsaí baránta;

• ár n-oibleagáidí dlíthiúla a chomhlíonadh; agus/nó

• nuashonruithe a thabhairt duit faoi aon athruithe móra ar pholasaithe nó téarmaí agus coinníollacha Dyson, agus faoi aon nithe eile nach foláir dúinn a insint duit.

Éilítear orainn leis na dlíthe cosanta sonraí agus príobháideachais i dtíortha áirithe "bonn dlíthiúil" nó "foras dleathach" a bheith againn le sonraí pearsanta a láimhseáil. Go ginearálta, ciallaíonn sé sin go gcaithfimid bonn dlíthiúil a bheith againn le do chuid sonraí pearsanta a láimhseáil.

Is iad na bunúis dlí seo a leanas a úsáidfimid go príomha chun do chuid sonraí a phróiseáil:

1. Conradh – mar shampla, ní mór dúinn do shonraí sheachadta agus íocaíochta a phróiseáil chun an táirge a cheannaigh tú a chur ar fáil duit

2. Toiliú – mar shampla, seolfaimid teachtaireachtaí cumarsáide chugat má thoiligh tú lena leithéid

3. Leasanna dlisteanacha – mar shampla, déanfaimid próiseáil ar fhaisnéis eile chun gníomhaíochtaí calaoiseacha a bhrath agus chun Dyson agus ár gcustaiméirí a chosaint

In imthosca áirithe, beidh orainn do chuid sonraí pearsanta a láimhseáil ar bhealach áirithe le bheith in ann ár n-oibleagáidí dlíthiúla a chomhlíonadh; mar shampla, má iarrann comhlacht rialála nó údarás um fheidhmiú an dlí orainn do chuid sonraí pearsanta a thabhairt dóibh.

Ar deireadh thiar, déanaimid do chuid sonraí pearsanta a láimhseáil ar bhealach áirithe ionas gur féidir linn ár gcuid táirgí, seirbhísí agus do thuairim fhoriomlán ar Dyson mar ghnóthas a fheabhsú, cibé go díreach nó go hindíreach. Beag beann ar an údar atá againn le do chuid sonraí pearsanta a láimhseáil, déanaimid bearta le seasamh lenár ngealltanas le do phríobháideachas a chosaint.

Tá an chuid is mó de na próisis, nósanna imeachta agus córais atá ag Dyson comhroinnte ar fud Ghrúpa Dyson, rud a fhágann gur gá dúinn do chuid sonraí pearsanta a chomhroinnt eadrainn. Déanaimid cinnte de nach féidir ach leis na baill foirne siúd ar gá dóibh rochtain ar do chuid sonraí pearsanta é sin a dhéanamh, agus go dtuigeann an fhoireann ar fad cén chaoi agus cén fáth a gcosnóimid do chuid sonraí pearsanta. Tá aistrithe sonraí pearsanta idir aonáin Dyson (iad siúd lasmuigh de LEE ina measc) faoi rialú Chomhaontú Idir-chuideachta Dyson.

Comhroinnimid do chuid sonraí pearsanta le soláthraithe seirbhíse tríú páirtí áirithe. Ní bhíonn rochtain acu ach ar na sonraí pearsanta sin a theastaíonn uathu leis na seirbhísí sin a chomhlíonadh. Mar shampla, comhroinnfear sonraí ar d’ordú agus ar an seachadadh lenár gcúiréirí. Éilítear orthu do chuid sonraí pearsanta a choinneáil faoi rún agus ní ceadmhach dóibh iad a úsáid seachas mar a threoraímid agus ní mór dóibh gníomhú de réir an fhógra príobháideachais seo i ngach cás.

Is féidir na tríú páirtithe sin a chuireann seirbhísí ar fáil a rangú sna catagóirí seo a leanas:

• Dáileoirí, a chabhraíonn linn ár gcuid táirgí agus seirbhísí a dhíol i dtíortha áirithe;

• Iad siúd a chabhraíonn linn táirgí a sheachadadh duit;

• Iad siúd a chabhraíonn linn teachtaireachtaí ábhartha spéisiúla a sholáthar duit (m. sh. ardáin meán sóisialta, cuideachtaí anailísíochta, gníomhaireachtaí margaíochta agus fógraíochta);

• Tríú páirtithe a chabhraíonn linn le seirbhísí poist, seirbhísiú agus deisiú táirgí, próiseáil ceannachán táirgí, seirbhísí airgeadais, seirbhísí iniúchóireachta, seirbhísí riaracháin, teicneolaíochtaí TF (m.sh. stóráil sonraí), seirbhísí slándála agus éilimh árachais; agus

• Tríú páirtithe a chabhraíonn linn seirbhísí agus freagraí a sholáthar duit.

Comhroinnimid sonraí pearsanta áirithe le tríú páirtithe a chabhraíonn linn gníomhaíocht choiriúil (amhail idirbhearta calaoiseacha) a bhrath agus a chosc. Áirítear leis an bhfaisnéis a chomhroinnimid leis na tríú páirtithe sin cuid den fhaisnéis a chomhroinneann tú linn (mar shampla, do shonraí teagmhála agus faisnéis faoin idirbheart), agus cuid den fhaisnéis ó d'idirghníomhaíochtaí ar líne (amhail seoladh IP do ghléis). Úsáidtear an fhaisnéis sin lena dhéanamh amach an idirbheart calaoiseach atá i gceist. Tá Riskified ar cheann de na tríú páirtithe a úsáidimid le cabhrú linn idirbhearta calaoiseacha a bhrath agus a chosc; tá siad freagrach as an úsáid a bhaineann siad as do chuid sonraí pearsanta agus úsáidfidh siad iad chun na gcríoch atá leagtha amach ina bhfógra príobháideachais.

Déanfaimid do chuid sonraí pearsanta a chomhroinnt freisin má éilítear orainn déanamh amhlaidh de réir an dlí, lena n-áirítear mar fhreagairt ar phróiseas dlíthiúil, amhail ordú cúirte nó subpoena, nó le dlíthe náisiúnta, stáit, réigiúnacha nó áitiúla eile a chomhlíonadh.

Ar deireadh, agus táirge de chuid Dyson á cheannach agat, b’fhéidir go mbeifeá ag idirghníomhú le tríú páirtí a bheidh freagrach go neamhspleách as na sonraí pearsanta a chuirfidh tú ar fáil. Mar shampla, má cheannaíonn tú táirge de chuid Dyson faoi chomhaontú airgeadais, is leis an tríú páirtí sin a dhéanfar an comhaontú airgeadais, agus ba cheart duit a fhógra(í) príobháideachais a léamh ar leithligh.

Déanfaidh an chuideachta nó na cuideachtaí ábhartha de Ghrúpa Dyson sonraí pearsanta a bhailiú uait sa tír ina bhfuil cónraí ort. Déanaimid féin, agus na tríú páirtithe siúd a gcomhroinnimid do chuid sonraí pearsanta leo, an fhaisnéis sin a óstáil, a stóráil agus a láimhseáil ar bhealaí eile ansin sa Ríocht Aontaithe, sna tíortha laistigh den Limistéar Eorpach Eacnamaíoch (LEE), nó in aon tír lasmuigh de LEE, iad siúd atá luaite ar an leathanach Teagmhálaithe san áireamh.

Déanfaimid cinnte de go gcomhlíonann aon aistrithe de do chuid sonraí pearsanta ó thír amháin go tír eile na dlíthe cosanta sonraí agus príobháideachais sin a bhfuil feidhm acu inár leith.

Áirítear le dlíthe cosanta sonraí an Aontais Eorpaigh go háirithe rialacha sonracha maidir le sonraí pearsanta a aistriú amach as LEE. Tá aistrithe sonraí pearsanta idir aonáin Dyson (iad siúd lasmuigh de LEE ina measc) faoi rialú Chomhaontú Idir-chuideachta Dyson.

Agus muid ag aistriú sonraí pearsanta amach as LEE:

• áireoimid clásail chonarthacha chaighdeánacha cosanta sonraí i gcomhair sonraí pearsanta a aistriú amach as LEE, arna bhfaomhadh ag an gCoimisiún Eorpach, leis na conarthaí atá againn leis na tríú páirtithe sin; agus

  déanfaimid cinnte de go measann an Coimisiún Eorpach gur "imleor" an tír a mbeidh do chuid sonraí pearsanta á láimhseáil inti; nó

• Cinnteoimid go ndearnadh measúnú riosca maidir le haistriú sonraí

In aon chás, leanfaidh aistriú, stóráil agus láimhseáil do chuid sonraí pearsanta againn de bheith faoi rialú an fhógra príobháideachais seo.

Tá feidhmiúlacht curtha againn le cuid dár dtáirgí nasctha trínar féidir le do tháirge Dyson idirghníomhú le táirgí áirithe tríú páirtí atá agat i do theach (ar nós Amazon Echo, nó Alexa, mar a thugtar air). Leis an bhfeidhmiúlacht sin, is féidir leat tairbhe iomlán a bhaint as timpeallacht 'baile chliste'. Mar sin féin, ní dhéanfaidh na táirgí aon idirghníomhaíocht ach amháin má roghnaíonn tú é sin tríd an bhfeidhmiúlacht ábhartha a chumasú.

Má roghnaíonn tú cur ar chumas an táirge nasctha de chuid Dyson idirghníomhú le táirge tríú páirtí, ní mór faisnéis áirithe (lena bhféadfaí sonraí pearsanta a chuimsiú) a chomhroinnt leis an táirge tríú páirtí agus leis an soláthraí tríú páirtí ábhartha. Go ginearálta, beidh orainn uimhir thagartha uathúil a chomhroinnt chun an dá tháirge a nascadh, mar aon le faisnéis ar do tháirge agus ar an gcaoi a n-úsáideann tú é. Ní chomhroinnimid ach an t-íosmhéid sonraí pearsanta is gá le cur ar chumas an dá tháirge idirghníomhú lena chéile. Tá sonraí ar an tslí a mbailíonn an tríú páirtí do shonraí pearsanta (mar aon le haon sonraí pearsanta a bhailíonn sé trína tháirge féin) leagtha amach i bhfógra príobháideachais an tríú páirtí. Ba chóir duit fógra(í) príobháideachais tríú páirtithe a léamh go cúramach roimh tháirgí dá gcuid a úsáid, agus roimh na táirgí sin a nascadh le do tháirge nasctha Dyson. Is féidir do tháirge nasctha Dyson a chosc faisnéis a chomhroinnt leis an táirge tríú páirtí ag am ar bith ach an nasc idir an dá tháirge a dhíchumasú.

Féach Táirgí Cliste Dyson le haghaidh faisnéis bhreise a bhaineann go sonrach le do tháirge.

Soláthraímid naisc chuig láithreáin ghréasáin eile nach n-oibríonn agus nach rialaíonn Dyson iad. Níl aon smacht againn ar inneachar na láithreán sin ná ar an gcaoi a mbailíonn na tríú páirtithe atá freagrach astu do chuid sonraí pearsanta, agus ní bheimid freagrach astu ach an oiread. Ní thacaímid le láithreáin ghréasáin tríú páirtí ná ní dhéanfaimid aon uiríll ina leith.

Is iondúil go mbíonn a bhfógra príobháideachais féin ag láithreáin ghréasáin tríú páirtí, áit a mínítear na bealaí a n-úsáideann agus a gcomhroinneann siad do chuid sonraí pearsanta. Ba chóir duit súil ghéar a chaitheamh ar na fógraí príobháideachais sin sula n-úsáidfidh tú na láithreáin ghréasáin sin lena chinntiú go bhfuil tú sásta leis an gcaoi a ndéanfar do chuid sonraí pearsanta a bhailiú agus a chomhroinnt.